Castrillo consegue no Cuitu Negru a segunda vitoria na Vuelta; O'Connor resiste de líder
Castrillo consegue no Cuitu Negru a segunda vitoria na Vuelta; O'Connor resiste de líder
Roglic recibe unha sanción de 20 segundos por aproveitarse da estela do coche de equipo para regresar ao pelotón tras cambiar a bici para a ascensión final
O español Pablo Castrillo (Kern Pharma) impúxose na décimo quinta etapa da Volta disputada entre Infiesto e Valgrande-Pajares Cuitu Negru, de 143 quilómetros, na que salvou o xersei vermello o australiano Ben O'Connor (Decathlon)
Castrillo, gañador de etapa na cabeza de Manzaneda, gañou no Cuitu Negru cun tempo de 3h.45.51, a unha media de 38 km/hora, seguido do ruso Vlasov a 13 segundos e do francés Sivakov a 33.
Na xeral segue á fronte O'Connor, con 43 segundos de vantaxe sobre Primoz Roglic e 2.23 respecto ao español Enric Mas. Posteriormente, Roglic recibiu unha sanción de 20 segundos por aproveitarse da estela do coche de equipo para regresar ao pelotón tras cambiar a bici para a ascensión final.
Este luns a Volta gozará da súa segunda xornada de descanso para volver o martes á actividade coa décimo sexta etapa entre Luanco e Lagos de Covadonga, de 181.5 km.
