Castro Santos emociónase lembrando a Caneda: "O Compos desapareceu porque nós nos separamos"

É imposible entender esa etapa de Caneda no Compostela sen a figura de Fernando Castro Santos. Sete anos xuntos, desde a Terceira División ata a Primeira. Moitas anécdotas e aventuras vividas entre o presidente e o adestrador.

Castro Santos, en declaracións á Televisión de Galicia, emocionouse lembrando ás épocas con Caneda e lanzou unha mensaxe: "O Compostela desapareceu porque nós nos separamos, estou convencido".