Cataluña chega ao ecuador da campaña co primeiro debate televisado entre os candidatos
Cataluña chega ao ecuador da campaña co primeiro debate televisado entre os candidatos
Estivo moi centrado nos posibles pactos postelectorais e quedou patente o risco de bloqueo.
O grande ausente foi Puigdemont, substituído por mor da súa situación legal.
Foi un debate a oito, en RTVE, pero o foco estivo no candidato socialista Salvador Illa, favorito nas enquisas. El presentouse como gañador e disposto a intentar a investidura.
Preguntoulles ao resto se a bloquearán, e a resposta máis directa foi a de Junts. Non pactarán cos socialistas porque ven en Illa a negación do 1 de outubro. Eles apostan por reeditar un goberno independentista, pero Esquerra evitou pronunciarse sobre posibles pactos e repróchalle a Illa que xa se presente como gañador.
Tanto Esquerra como Junts están convencidos de que o PSOE acabará aceptando un referendo pactado. E tamén o cren no Partido Popular.
Con todo, a independencia e o procés tiveron menos protagonismo que en campañas anteriores.
No que si coincidiron case todos os partidos foi na necesidade de mellorar o financiamento para Cataluña, pero con fórmulas moi distintas.
