Cervi "Por fin chegou a vitoria que tanto mereciamos"

Nin o frío, nin a choiva nin tan sequera a neve foron quen de frear ao Celta en Mendizorroza. Un dos homes máis destacados no segundo tempo, Franco Cervi, atendeu a Roberto Carlos Carballo en exclusiva no Galicia en Goles.

"Fixemos un esforzo moi grande para levarnos os tres puntos, que o necesitabamos e o mereciamos. Isto da moral para seguir traballando e seguir ben o domingo e antes na Copa"

Tras ser unha das fichaxes das que máis se agardaba no conxunto olívico, Cervi comeza a ofrecer un mellor rendemento co paso das xornadas.

"Sei que non estiven ben. Quero axudar ao equipo que confiou moito  en min. Quero iso e quero logralo. Desexo achegar aos meus compañeiros e traballo para chegar ao nivel que sei que podo dar. Son outros compañeiros, outro ritmo, teño que ir mellorando"