Claudio Giráldez: "Estase vendo que xogue quen xogue o nivel é parello"

Mercado cerrado, cadro de xogadores comprometidos e a cabeza xa no Osasuna. O Celta quere seguir co seu bo momento malia a derrota en Vilarreal, e sobre todo manter as sensacións e o xogo, que emociona á afección. Giráldez falou do vindeiro partido, dos seus xogadores e do mercado.

O técnico celeste está moi contento co seu inicio na súa primeira campaña completa como director técnico do primeiro equipo. E os xogadores teñen moito que ver. O porriñés loou o compromiso e a entrega dos seus, así como a igualdade e a versatilidade que ten no equipo.

Tamén valorou o mercado, resaltando que os xogadores que viñeron elixiron o Celta entre outras opcións e ese é un moi bo indicativo para o técnico. Na súa cabeza está Osasuna, ante o que quere facer un partido serio, no que o equipo manteña a esencia dos tres anteriores compromisos.