Un narcopiso na rúa Numancia de Vigo alarma os veciños

O número 39  da rúa Numancia de Vigo é unha constante trasfega de persoas de día e de noite.

Algúns provocan graves molestias, ruídos, e estragos no edificio. Tanto que algúns veciños xa están tan afeitos que dormen mesmo con ruído. E así todos os días desde hai vinte anos, aínda que a situación empeorou nos últimos tempos.

A Policía acode con regularidade e mesmo ten cacheado visitantes ocasionais do edificio. Pero polo de agora non son quen de atallar o problema de raíz que é a eliminación do punto de venda.