Chapela aposta polo ascenso á ACT coas trixemelgas Dorado Acevedo no bote

Claudia, Esther e Tania. Son trixemelgas, teñen 18 anos e chegaron procedentes do xuvenil de Robaleira. Esta fin de semana reman  para conseguir o ascenso de Chapela á liga ACT. O sábado pola tarde compiten en Bermeo. O domingo, en Portugalete. Gran parte da proba decidirase na primeira xornada.

 Chapela medirase neste play off con Zumaia, Astillero e Cabo. As dúas primeiras, a priori, son as máis fortes. Cabo defende a súa praza na ACT. Con todas elas competiu xa na Concha. Só Astillero quedou por diante e foi pola mínima. Chapela aposta por dar a sorpresa esta fin de semana.