Chega Eric Washington, un base anotador para o Obradoiro
Chega Eric Washington, un base anotador para o Obradoiro
O estadounidense mediou esta tempada 19,2 puntos e 7,3 asistencias
Chega dende o MLP Academics Heidelberg alemán
O Monbus Obradoiro anunciou a súa primeira fichaxe da tempada, nada máis e nada menos que o base estadounidense Eric Washigton.
O xogador, de pasaporte maltés, recalaría no conxunto galego dende o MLP Academics Heidelberg da primeira división alemá. O novo director deportivo do Obradoiro, Eduardo Pascual, destacou que se trata dun xogador "en claro crecemento" e "con puntos nas mans"
É un base moi anotador (19,2 puntos por encontro), enérxico e con bo manexo de balón (promediou 7,3 asistencias). Aínda así, con 29 anos semella un base con moitas perdas (3,5 por partido) e cunha baixa porcentaxe no tiro de tres (31 %).
Washington ten 29 anos e unha carreira dilatada polo vello continente. Disputou temporada e media en Alemaña (no MLP Academics Heidelberg e no BV Chemnitz 99), media en Francia (no Aix Maurienne Savoie Basket) e tres tempadas en Hungría (dúas no Oroszlanyi Sportegylet e Lions e outra no MAFC Budapest).
