Chegan ás farmacias os tests rápidos combinados de covid e gripe

Falamos dun só test que permite saber se temos covid ou gripe e xa chegou ás farmacias de Galicia. O funcionamento é similar ao xa coñecido.

A mostra é nasal, e unha vez que a mesturamos co reactivo, temos que colocar dúas gotas, para coronavirus e para gripe. En quince minutos obtemos o resultado.

De momento a súa demanda está sendo escasa pero cren que irá aumentando a medida que avance o outono. O seu prezo é de 2,94 euros.

Estes novos tests seguirán convivindo cos da covid, pero se ambos os dous virus comezan a circular este outono á vez, esta proba podería ser a elixida.