Cheo de visitantes no Cebreiro grazas á neve e ao tempo solleiro
Cheo de visitantes no Cebreiro grazas á neve e ao tempo solleiro
Prevese unha ocupación hoteleira do 70 por cento, coas reservas ao tope nos restaurantes
A combinación de neve acumulada e tempo solleiro está a atraer numerosos visitantes ao Cebreiro. Chegados de todo o país e tamén de fóra de Galicia, grupos de amigos, familias ou parellas acoden para gozar da paisaxe branca que rodea as pallozas do lugar.
José López Valiña, Artesanía Grial: "Empezou a chegar a xente agora, hai máis movemento, e sobre todo espérase moita xente para mañá. É sábado e os pequenos queren ir á neve e tirarse cunha zorra, que é o típico destas datas".
O sector hostaleiro prevé unha alta ocupación do medio cento de prazas que hai a día de hoxe no Cebreiro. E outro tanto acontece nos restaurantes, coas reservas ao tope.
Mari Carmen Arias, Venta Celta: "Vai haber moita xente. Hai moitas chamadas, para mañá e para o domingo".
José Luís López, Casa O Cebreiro: "O restaurante xa o temos ompleto de reservas, e sobre o 70 por cento dos cuartos están ocupados. Preséntase unha fin de semana de moita xente".
Aínda cos dormitorios e cos comedores cheos, no Cebreiro agardan unha avalancha de hóspedes e de comensais para esta fin de semana.
As pallozas ou as paisaxes nevadas son algúns dos reclamos turísticos das serras orientais
