A tradición do chocolate con churros recupera o seu esplendor tras a pandemia
A tradición do chocolate con churros recupera o seu esplendor tras a pandemia
Moitas churrerías empezaron a traballar de madrugada para dar feito
Despois de pasar unha Noitevella de troula chovendo a chuzos, nada mellor que un bo chocolate con churros para que o corpo entre en calor.
A tradición repítese cada un de xaneiro na maioría das localidades galegas e, tras as restricións da pandemia, recupera o esplendor doutros tempos.
En teoría a receita é sinxela: auga, fariña, sal e aceite para fritir, pero a elaboración dos churros require determinadas condicións que son as que ofrecen os locais especializados.
O persoal da churrería Os Pepes, na Cidade da Murallas, xa leva vendidos neste 2023 que acaba de empezar máis de 4.000 unidades.
Aninovo e Reis, e no caso de Lugo o Domingo das Mozas, son, con moita diferenza, os días do ano nos que máis churros se venden.
