Cinco detidos en Teruel e aprehendidos 26 quilos de cocaína en seis cadeiras de montar

A Garda Civil incáutase 26 quilogramos de cocaína ocultos no recheo de seis cadeiras de montar. Foi, no marco da operación Equitem, que culminou coa detención de cinco persoas en Alcañiz e Valdealgorfa, na provincia de Teruel.

A droga estaba mesturada cunha fibra especial para dificultar a súa detección e que servía para facer o recheo das cadeiras. No mercado, o valor da droga ascende a uns  600.000 euros,

A investigación, informa a Benemérita, iniciouse en novembro de 2024, cando se interceptaron varios paquetes de cocaína procedentes da cidade colombiana de Medellín  con destino ás localidades turolenses de Alcañiz e Valdealgorfa.

As pescudas conduciron os axentes ata o aeroporto de El Prat, en Barcelona, onde localizaron dous envíos coas cadeiras de montar que contiñan a droga no seu interior.

Os responsables do envío utilizaban un método sofisticado de ocultación, no que a cocaína era tratada quimicamente para integrarse no recheo das cadeiras. Unha vez recibidas, a droga era extraída mediante procesos químicos e preparada para a súa distribución no mercado ilícito.

Os arrestados son todos de nacionalidade española. Os detidos e as dilixencias instruídas, xa están a disposición do Xulgado de Instrución nº 2 de Alcañiz, que decretou o seu ingreso en prisión.

As actuacións realizounas o Equipo de Delincuencia Organizada e Antidrogas( EDOA) da Unidade Orgánica de Policía Xudicial da Comandancia de Teruel e o Equipo ROCA da Compañía de Alcañiz. Estes equipos deron por desarticulado o grupo criminal. 

#OperacionesGC
Interceptados 26 kg cocaína camuflados en sillas de montar. El relleno de las sillas estaba compuesto por una fibra mezclada con droga para dificultar la detección. El valor de los estupefacientes asciende a 600.000€ .https://t.co/pPUECQ8YJS pic.twitter.com/CrUBuYbe0X

— Guardia Civil (@guardiacivil) March 30, 2025