Comeza o Trofeo Conde de Gondomar

Comezou unha nova edición do Trofeo Conde de Gondomar nas augas de Baiona. 

Como é tradición, hoxe tocaba a subida e volta ao Carrumeiro chico, que aínda non rematou. Na cabeza da frota rumbo ao faro colocouse o Aceites Abril dos irmáns Pérez Canal, seguido polo Magical de Julio Rodríguez.

Tamén se disputou un percorrido costeiro arredor de Cíes do que saíron vencedores o Ojo Piojo en ORC 0-3, o Nahela en ORC 4-5, o Alboroto en J80 e o Bouvento nos Fígaros.