Comezan as obras de recuperación da estrada que afundiu en Campañó

Malia a intensa chuvia, as maquinas xa están a traballar para recuperar o tramo afundido na estrada da parroquia pontevedresa de Campañó. O incidente produciuse como consecuencia da borrasca Gerard, que provocou tal acumulación de auga no terreo que acabou cedendo e levou por diante parte do asfalto.

Nese momento pasaba un coche e envorcou, o cal ocasionou feridas leves á condutora e única ocupante. Mentres continúan os traballos de recuperación, o tráfico desta estrada da Deputación de Pontevedra, que comunica co colexio Los Sauces, está cortado. A maioría dos vehículos estanse a desviar pola estrada de Vilagarcía.