Concentración para dicir 'non' ao peche da mina de Penouta
Concentración para dicir 'non' ao peche da mina de Penouta
Decenas de persoas xuntáronse este martes na praza maior de Viana do Bolo para defender a continuidade do proxecto mineiro
Insisten no impacto económico e social que tería o peche
![](https://img-g24-crtvg.flumotion.com/prog24/2023/20231031/VIANADOBOLOPROTESTAS.jpg)
Decenas de persoas concentráronse este martes na praza maior de Viana do Bolo para defender a continuidade do proxecto mineiro de Penouta.
Baixo o lema "Penouta non se Pecha", pediron que se reverta a decisión do TSXG e insistiron no impacto económico e social que tería o peche. Esta decisión de peche cautelar implica, segundo un comunicado remitido aos medios de comunicación en nome de "Viana do Bolo e a súa comarca", a paralización da actividade laboral de 129 familias e empresas auxiliares que na actualidade traballan na mina de Penouta.
"O 82 % dos traballadores da mina son da provincia de Ourense, e deles, o 75 % son da contorna máis inmediata da explotación mineira", sinala o texto.
Segundo o comunicado, "a compañía espera e confía en que o tribunal, unha vez avaliado os elementos esenciais ambientais e sociais e do impacto que tería a suspensión da actividade da empresa na contorna, reconsidere a súa decisión".
Os traballadores anunciaron que continuarán coas mobilizacións.