Condenado en Lugo un home de 72 anos por agresión sexual á neta da súa veciña, de 11
A sentenza imponlle ademais a prohibición de achegarse á vítima e comunicarse con ela durante seis anos, así coma catro anos de liberdade vixiada e o pagamento de 8.000 euros como indemnización
Condena de dous anos a un home por agredir sexualmente a neta da súa veciña. A Audiencia Provincial de Lugo considera probado que o home, de 72 anos, atentou contra a liberdade sexual da menor, que daquela tiña 11 anos, bicándoa contra a súa vontade e realizando tocamentos en partes íntimas da rapaza, que logrou zafarse e correu contarlle o sucedido á nai e á avoa.
A sentenza imponlle ademais a prohibición de achegarse á vítima e comunicarse con ela durante seis anos, así coma catro anos de liberdade vixiada e o pagamento de 8.000 euros como indemnización.
