Contacómics para os máis pequenos en Viñetas do Atlántico

Banda deseñada a través dos contos ou contar contos empregando as viñetas como fío condutor. Así é a nova creación de Pablísimo coa que quere achegar os máis pequenos ao mundo do cómic no marco de Viñetas do Atlántico.

Así, tal e como o faría Olaf o Viquingo, o experimentado contacontos Pablo Sánchez chama os nenos e nenas a adentrarse na marabillosa aventura da banda deseñada.

Unha creación realizada exclusivamente para Viñetas do Atlántico coa que nace o contacómics da man dos contos de Pablísimo.

Sen faltar a música, un chisco de teatro e interpretación e como non os contos, que non poden faltar. Todo isto para que os máis pequenos, un público difícil pero á vez agradecido, goce da maxia que agochan as súas historias.