Continúa a busca do veciño de Frades desaparecido o martes na zona de Fisterra
Na busca participan patrullas de Seguridade Cidadá por terra e pola costa, o helicóptero do servizo aéreo da Garda Civil, o Grupo Especial de Localización e Rescate de Galicia, unha lancha do Salvamento Marítimo e Protección Civil
O dispositivo de busca do veciño de Frades desaparecido o martes pasado continúa activo este sábado na zona de Fisterra, segundo confirmaron fontes da Garda Civil da Coruña.
Na busca participan patrullas de Seguridade Cidadá por terra e pola costa, o helicóptero do servizo aéreo da Garda Civil, o Grupo Especial de Localización e Rescate de Galicia, unha lancha do Salvamento Marítimo e Protección Civil. Ademais, a Garda Civil deu instrucións aos mariñeiros que pescan na zona para que, cando regresen, se "acheguen un pouco máis á costa por se visen algo".
Durante a tarde deste sábado haberá dúas patrullas de Seguridade Cidadá e o dispositivo contará tamén co servizo marítimo da Garda Civil así como co Grupo Especial de Localización e Rescate de Galicia.
A familia de Antonio Carro Latexe, de 69 anos de idade, denunciou a súa desaparición na tarde do martes pasado, e o propio Concello de Frades fixo un chamamento aos veciños, a través da redes sociais, para pedir colaboración na busca.
.png)
Zona da desaparición, zona do faro de Fisterra
.png)
