Criadores de porco celta apostan por elaborar os seus propios produtos cárnicos
Queren reducir intermediarios e controlar o ciclo de produción
Embutidos, salgaduras ou patés son algúns dos produtos
Coma noutros sectores gandeiros, os custos de produción soben e os prezos en orixe mantéñense estancados. Por exemplo, os cereais e concentrados subiron un 30 %.
Por iso, este criador de porcos celtas de Cenlle decidiu elaborar os seus propios produtos cárnicos e, sobre todo, comercializalos directamente: o mellor xeito de rendibilizar a explotación.
Con Martín son xa case 20 os criadores que apostan pola transformación e venda da carne dos seus cochos.
A supresión de intermediarios deixa unha maior marxe de ganancia e a calidade do produto pódese controlar en todo o proceso para comercializalo como o que é: unha carne criada en liberdade, con alimentos naturais e sen uso de hormonas ou antibióticos.
Cunha cabana de algo máis de 4.000 exemplares, o porco celta segue a ser unha raza en perigo de extinción, pero o seu futuro semellla garantido.
