Cristóbal recupera a Nico Serrano para recibir mañá o Huesca

O Rácing recibe mañá o Huesca na Malata, partido en que podería volver Nico Serrano logo dos seus problemas físicos. O futbolista participou esta mañá con normalidade nunha sesión moi animada. Os de Cristóbal buscarán un triunfo que os achegue, ou mesmo os meta na zona de promoción de ascenso, á que optan un nutrido grupo de aspirantes.

Por iso Cristóbal fai seu o de ir partido a partido, e ver ata onde alcanza a chegar o equipo. O técnico é consciente de que non tiveron unha boa actuación a última semana no campo do Amorebieta, e queren mellorar a imaxe.