Cruz: "Tiñamos moitas ganas de revalidar o título"

O Bergantiños impúxose ao Noia na final da Copa da Costa feminina disputada na mañá do domingo no campo da Fontenla, en Santa Comba. Unha das grandes protagonistas foi Cruz, que anotou catro dos nove goles do equipo carballés.

"Eu marquei os goles pero o traballo é do equipo, é mérito de todas. Tiñamos moitas ganas de revalidar o título, porque hai moitas rapazas que son de aquí, da Costa. É importante para o club poñer o gran de area para levar o título a Carballo. Quedamos este ano coa espiña de non conseguir o ascenso, e será o grande obxectivo do ano que vén".