Cuarta vitoria consecutiva dun Deportivo que pon a directa (1-2)

O Deportivo sumou a cuarta vitoria consecutiva e dispárase á fronte da Primeira Federación. Nun campo moi complicado como o do Raio Majadahonda o equipo de Borja Jiménez fixo un partido moi serio e mereceu gañar dun xeito máis claro. 

Unha das chaves foi o temperán gol de Quiles, antes do minuto 2. O Raio, nunha acción afortunada, empatou no 19 pero no 34 Miku poñía o 1-2 culminando unha gran xogada de ataque. 

Na segunda parte o equipo coruñés estivo moi serio, contendo todos os ataques do Majadahonda e ameazando constantemente a área rival. 

Ao igual que no comezo da temporada o Deportivo encadea catro triunfos seguidos e afianza o primeiro posto con 29 puntos.