David Acevedo "Estamos moi orgullosos de, 23 anos despois, seguir tendo a mesma filosofía"

Considerado xa un dos eventos de promoción do deporte de base de Galicia máis importantes da nosa comunidade, un ano máis a Festa HQR fomentará a participación e os hábitos saudables. Será a través de decenas de actos e actividades que arrincaron o pasado 17 de decembro cunha andaina solidaria e rematarán o vindeiro 30 cunha masterclass de ximnasia rítmica a cargo da italiana Alice Taglietti.

Entremedias celebraranse torneos, clases de zumba, carreiras populares e ducias de actividades que converten a Pontevedra no centro do deporte base galego.

O Galicia en goles conversou cun dos organizadores, o redactor xefe de deportes do Diario de Pontevedra, David Acevedo.