Desfile de Folións en Trives para revivir a tradición do Entroido
Desfile de Folións en Trives para revivir a tradición do Entroido
Boteiros, Mázcaras ou Charrelos acompañaron o tocar de bombos e aixadas polas rúas da vila
Participaron 13 folións, que amosaron a tradición do Entroido no oriente ourensán
É o son telúrico dun Entroido gravado a sangue na pel dos bombos.
"É un momento de sacar todas as enerxías e de sacar todo cara a diante e darlle sen dó, ata romper a pel".
"Sae de dentro do corazón, das entrañas, e para nós é algo marabilloso".
Unha forza que se herda e se coida dende ben pequeno.
"Involucrando os cativos que veñen detrás, acompañando os maiores, é espectacular".
"Somos dunha aldea de Trives e, dependendo da aldea, son uns toques ou outros".
Son os Boteiros que acompañan os Folións desta zona.
"Para que se vexa todo o que é capaz de facer".
Diante dos de Manzaneda, as Mázcaras coas súas hipnóticas danzas. E tras delas, os Charrelos da Veiga.
"A función é ir abrindo oco para o paso do Folión".
Hoxe danse cita todos en Trives, diferentes personaxes, diferentes tradicións, pero un mesmo latexo, o do folión, que mantén vivo o Entroido do oriente ourensán.
