Detencións en Barcelona e Mérida nunha operación contra o terrorismo xihadista
Detencións en Barcelona e Mérida nunha operación contra o terrorismo xihadista
Todos son persoas moi relacionados co tráfico de armas ou co narcotráfico
A loita contra o terrorismo xihadista centra unha operación da Garda Civil e os Mossos d'Esquadra en varias localidades da provincia de Barcelona e en Mérida.
Ata o momento está confirmada a detención de dúas persoas, aínda que a policía tiña en previsión cinco arrestos.
Todos son persoas moi relacionados coa delincuencia organizada en asuntos como o tráfico de armas ou o narcotráfico e nos últimos meses presentaban indicios de radicalización.
Porén, os investigadores descartan que estivesen a preparar ningunha acción terrorista.
Unha desas detencións é a dun preso no cárcere barcelonés de Brians.
Os axentes están a practicar diversos rexistros, incluídos varios en vivendas de Rubí, Sant Pere de Ribes e Martorell, na provincia de Barcelona, así como en Mérida.
A investigación está dirixida polo xuíz da Audiencia Nacional Joaquín Gadea, ante quen está previsto que comparezan entre o xoves e o venres.
A operación está baixo segredo de sumario.
