Deteñen un mozo de 21 anos en Poio por maltratar os avós
Deteñen un mozo de 21 anos en Poio por maltratar os avós
Os axentes apreciaron indicios de que o maltrato era habitual e detiveron inmediatamente o neto por un delito de violencia no ámbito familiar
O detido é un mozo veciño de Poio, de 21 anos, que ao parecer xa contaba cunha orde de afastamento dos seus avós.
Supostamente saltou a prohibición o sábado pasado. A Policía Local recibiu a alerta a través dunha chamada ao 112 e desprazouse ata o domicilio, onde comprobaron que os avós presentaban diversas lesións. Ademais, os axentes apreciaron indicios de que o maltrato era habitual e detiveron inmediatamente o neto por un delito de violencia no ámbito familiar.
Este luns, o mozo quedou a disposición do Xulgado de Instrución número 3 de Pontevedra, que o deixou en liberdade en calidade de investigado.
A Policía Local ten constancia da existencia, cando menos, de cinco antecedentes por feitos similares. O acusado, de feito, xa estivera arrestado con anterioridade.
