Cargando resultados...
Deteñen unha muller en Carballo tras acoitelar presuntamente o seu mozo
Deteñen unha muller en Carballo tras acoitelar presuntamente o seu mozo
O home, de 46 anos de idade, está ferido grave, aínda que non se teme pola súa vida
A presunta agresora xa pasou a disposición xudicial e o maxistrado decretou a súa posta en liberdade
G24.gal
03/04/2024 16:32
Última actualización 03/04/2024 17:21
A Garda Civil detivo unha muller en Carballo tras acoitelar presuntamente o seu mozo. O home, de 46 anos de idade, está ferido grave, aínda que non se teme pola súa vida.
Garda civil e policía local acudiron de madrugada ao domicilio, alertados por uns particulares que sentiran berros. Atoparon o home cunha ferida nas costas, supostamente de arma branca.
A presunta agresora, de 52 anos, xa pasou a disposición xudicial e o maxistrado decretou a súa posta en liberdade.
