Detido un home en Ferrol por maltratar presuntamente a súa nai de 101 anos

A Policía Local de Ferrol detivo un home por presuntos malos tratos a súa nai, unha muller de 101 anos de idade.

Os feitos tiveron lugar nun piso do barrio da Magdalena. Varios veciños avisaron o 092, alarmados polos berros que procedían da vivenda. A patrulla policial desprazada ata o domicilio puido escoitar insultos e golpes tras a porta. Ao abrir, atoparon a muller chorando e desorientada.

O seu fillo, que supostamente estaba baixo os efectos do alcol, foi arrestado como presunto autor dun delito de malos tratos no ámbito familiar.