Detido un mozo de 19 anos por atracar, pistola en man, un estanco do Barco
Detido un mozo de 19 anos por atracar, pistola en man, un estanco do Barco
Levaba a cara cuberta por un pasamontañas e unha arma de aire comprimido
O detido, veciño da Rúa, foi posto a disposición xudicial
Obxectos comisados. Garda Civil.
Un mozo de 19 anos e veciño de Somoza, no concello da Rúa, foi detido como presunto autor dun delito de roubo con intimidación por atracar cunha pistola de aire comprimido un estanco do Barco de Valdeorras.
A Garda Civil informou de que, no marco da Operación Deer OU, o equipo da Policía Xudicial da Rúa detivo a este mozo, que ía coa cara cuberta por un pasamontañas, tras presuntamente intimidar ao dependente cunha pistola e apoderarse de 700 euros.
Ademais, no transcurso da operación, os axentes comisáronlle a pistola, o pasamontañas e outras roupas utilizadas para cometer o feito delituoso.
O detido foi posto á disposición do Xulgado de Instrución número 2 do Barco de Valdeorras.
