Día Mundial do Ovo, un superalimento: Galicia produce cada ano 600 millóns
Día Mundial do Ovo, un superalimento: Galicia produce cada ano 600 millóns
Os nutricionistas din que non sobe o colesterol nin engorda, e achega todos os aminoácidos que o corpo necesita
Un adulto san pode consumir entre 1 e 3 ovos ao día
En Galicia hai preto de mil granxas avícolas e 3 millóns de galiñas
Cocidos, en tortilla francesa ou revoltos. Son as maneiras máis saudables para consumir ovo, ese grande alimento. Ángeles Novo, nutricionista explica que "o ovo é a proteína perfecta porque achega todos os aminoácidos esenciais que o noso corpo necesita".
E, ollo, porque hai que desterrar mitos, Novo insiste en que "os ovos non soben o colesterol, pódense consumir todos os días. Un adulto san pode consumir entre 1 e 3 ovos ao día".
A seguridade do alimento garántese dende a posta. Alberto Hermida, da Granxa Laura Taboada, destacan que priorizan "o benestar dos animais, sendo respectuosos e moi coidadosos co medioambiente nunha economía sostible e circular."
Na nosa comunidade hai preto de mil granxas avícolas e 3 millóns de galiñas que poñen uns 600 millóns de ovos ao ano.
