Difunden o vídeo policial en que abaten a atacante do colexio de Nashville

A policía de Nashville difundiu as imaxes do momento en que abaten a muller que matou a tiros tres nenos e tres adultos nun colexio de primaria. As cámaras corporais dos axentes gravan os tres minutos en que a buscan polo edificio e acaban disparándolle en repetidas ocasións.

A autora do tiroteo, de 28 anos e que se identificaba como transxénero, era unha antiga alumna. A policía cre que actuou por resentimento por ter que ir a esa escola.