Falece unha nena en Castelló tras esquecela o pai e deixala no coche 5 horas

Unha nena de dous anos faleceu este martes en Castelló tras esquecer o pai levala á gardería, ir traballar e deixala no interior do coche durante unhas cinco horas, segundo confirmaron fontes da Policía Nacional, que sinalaron que o home está a ser investigado como suposto autor dun delito de homicidio imprudente.

Os feitos producíronse este martes, cando, pasadas as 15:00 horas, entrou o aviso do suceso na Policía Nacional. Os axentes desprazáronse ata o lugar onde estaba o vehículo en cuxo interior se atopaba a menor, que xa falecera, segundo confirmaron os medios sanitarios.

A partir de aí activouse o protocolo correspondente, dando aviso á Policía Científica, forense e xulgado de garda, e abriuse unha investigación.