Dous empates no Grupo de Inglaterra deixan todo para a última xornada
Dous empates no Grupo de Inglaterra deixan todo para a última xornada
Os ingleses ocupan o primeiro posto logo de igualar con Dinamarca (1-1)
Eslovenia e Serbia tamén empataron a un cun gol de Jovic na última xogada do partido
Inglaterra e Dinamarca empataron no partido correspondente á segunda xornada do Grupo C. Os ingleses ocupan o primeiro posto con 4 puntos e Dinamarca é segunda con 2. Todo queda pendente da derradeira xornada á que chegan con posibilidades os catro equipos.
Os goles do encontro de Frankfurt marcáronse no primeiro tempo. Kane adiantou os ingleses e Hjulmand igualou para os dinamarqueses no minuto 36. No segundo tempo a mellor ocasión estivo nas botas de Foden, pero o seu remate estrelouse contra o barrón.
Jovic dálle vida a Serbia no último suspiro
No outro partido desta xornada no grupo C, Eslovenia e Serbia empataron a un gol, un empate logrado polos serbios nos minutos de engadido. Os goles chegaron no segundo tempo. O primeiro no 69, Karnicnik estreou o marcador nunha xogada que el mesmo iniciou liderando un contragolpe que rematou tras un centro de Elsnik. Pero Serbia non se rendeu e no último minuto do engadido Jovic remataba un saque de esquina para poñer as táboas. Un empate que deixa todo aberto para a última xornada da fase de grupos
