Dous mortos ao caer e incendiarse unha avioneta en Guadalaxara

Dous homes morreron ao caer e incendiarse a avioneta en que viaxaban na provincia de Guadalaxara. O suceso ocorreu na localidade de Alarilla, no lugar de La Muela.

Unha testemuña deu aviso ao 112 de Castela-A Mancha pasada a unha da tarde. Debido á dificultade do terreo, os corpos das vítimas tiveron que ser rescatados por un helicóptero da Garda Civil.

"A á rozou coa ladeira, caeu rodando cara abaixo e incendiouse", explicou a tenente de seguridade cidadá.