Douscentos animais en liberdade desparasitados e rapados no curro da Capelada

Este domingo era o día grande dunha cita que, máis alá de chiscadelas cinematográficas recentes, ten moita historia.

Medio século se nos cinguimos a unha tradición que ten as súas raíces nunha serra privilexiada, preto dos cantís de Vixía Herbeira e a pouca distancia de Santo André de Teixido.

Esta fin de semana repetiuse o guión de sempre: recoller os cabalos que viven en liberdade nos montes da Capelada, uns douscentos, para desparasitalos e rapalos. Un ritual que se fai con cada un dos animais.