Empate de mérito do Compostela no campo do Avilés (0-0)

O Compostela rabuñou un punto dun dos campos máis complicados da categoría. O Avilés é un dos galos deste Grupo I da 2RFEF e, sobre todo no primeiro tempo o equipo santigués mereceu mellor sorte. Os porteiros e un par de lanzamentos aos paus evitaron que se movese o marcador. Ata o descanso o dono do encontro foi o equipo de Permuy ao que só lle faltou o tino na dianteira. Na segunda parte o Avilés creou máis oportunidades e mesmo gozou dun remate ao poste a dez minutos do final.