Empate dun Celta Fortuna que mantén á raia a Cultural Leonesa

O Celta Fortuna empatou no campo da Cultural Leonesa (0-0) a que consegue manter á raia na pelexa por entrar no play off de ascenso. Foi na estrea do moañés Fredi Álvarez á fronte do filial celeste. 

Houbo dous tempos ben diferenciados. Un primeiro, que dominou o Celta Fortuna, cun gran xogo e gozando de boas ocasións nas botas de Pablo Durán ou Alfon. Na segunda metade tocou sufrir polo moito que tiña en xogo a Cultural. 

O equipo local tivo moitos achegamentos, a maior parte deles protagonizados por Dorian, pero non atopou o xeito de superar a un Ruly García que completou un bo partido.