O "Polbo Mecánico" tomba o Almería (2-0)
O "Polbo Mecánico" tomba o Almería (2-0)
Marcaron Escobar e Rafa Mella no enésimo partidazo xogado polo equipo de Fran Justo
O Arenteiro mantén o impresionante nivel deste inicio de temporada e derrotou o Almería por 2-0, e superándoo de principio a fin. Os goles de Escobar e de Rafa Mella fixeron xustiza. Desde o principio, o Almería viuse sorprendido por un equipo que vén amosando esta intensidade desde o mes de agosto, cando comezou o camiño da Copa Federación.
Agora outro equipo de Primeira visitará Espiñedo. Veremos o mércores cal é o rival dos do Carballiño pero que treman, porque o equipo de Fran Justo vén con forza.
Minuto a minuto
Sae o Arenteiro co trofeo da Copa Federación e o Almería faille o corredor
GOOOOL de Escobar para o Arenteiro (1-0). Erro defensivo do Almería que aproveita Antón
Case chega o segundo do Arenteiro!!!!! O remate de cabeza de Pibe foi contra o pau
Descanso no Carballiño. O Almería incapaz de facerlle dano ao Arenteiro
Comeza presionando o Arenteiro. Un par de achegamentos con perigo e un gol anulado a Markitos
Ramazzani vaise de todos e o seu remate acaba no pau e paseando pola liña de gol. A mellor do Almería!!!
Tivo Romay a ocasión para poñer o 2-0. A chuvia xogoulle unha mala pasada e freoulle o coiro
GOOOOOOL de Rafa Mella. O Arenteiro máis preto de lograr a fazaña (2-0)
