En menos dun mes comezan as oposicións do ensino en Galicia
En menos dun mes comezan as oposicións do ensino en Galicia
Os máis de 21.000 asipirantes poden consultar onde lles toca facer as probas, segundo a especialidade
Hai exames en quince localidades e a primeira proba celébrase en todas elas o día 22 de xuño
Educación ultima toda intendencia organizativa para a celebración das oposicións do ensino de xeito descentralizado en 15 concellos do país.
Hai exames nas capitais de provincia e tamén en vilas cabeceira de comarca como Ribeira, Lalín, O Carballiño ou Vilagarcía de Arousa. Un total de 195 tribunais supervisarán o desenvolvemento do proceso.
"O sábado 22 dará comezo un novo proceso de estabilización, unha nova oposición do profesorado que vai mobilizar 1.743 novas prazas o 86 por cento son de novo ingreso e 231 para promover de mestres de primaria, de instituto ou de inspectores", di Román Rodríguez, conselleiro de Educación.
Hai máis de 21.200 persoas convocadas. Para o conselleiro de Educación, este proceso mostra o compromiso da Xunta coa estabilidade do profesorado. Dixo que eleva a máis de 18.500 as prazas convocadas desde o 2009.
"Isto permítenos ter a taxa de interinos estruturais máis baixa de España. Estamos por baixo do 5 por cento cando a media do Estado está no 25 por cento, aínda hoxe e hai comunidades por baixo do 50 por cento", afirma Román Rodríguez.
Os 1.743 docentes que logren praza incorporaranse o seu posto de traballo o un de setembro. Está previsto que a principios de agosto coñezan o seu destino.
