Pídenlle ao Goberno concretar os proxectos para as factorías de Navantia na ría de Ferrol
Pídenlle ao Goberno concretar os proxectos para as factorías de Navantia na ría de Ferrol
Navantia espera que o Goberno cumpra co compromiso adquirido cos estaleiros
En Navantia piden que se concreten e expliquen con detalle os proxectos que están realmente pensados para a factoría de Ferrol. Tamén os empresarios da comarca de Ferrolterra reclaman máis información e compromiso.
O dique de reparación de buques de Navantia triplicou a súa facturación. A carga de traballo é tal que na ría de Ferrol están rexeitando novos traballos porque non teñen capacidade para aceptar máis. Pero insisten en reclamar a posta en marcha dun dique de construción, que ampliaría a capacidade de Navantia dun xeito moi considerable.
Entre Ferrol e Fene, Navantia ten cinco diques, pero hai carga de traballo para a ampliación comprometida, que non chega. Os empresarios de Ferrolterra tamén solicitan que se poña en marcha canto antes porque a nova infraestrutura repercutiría economicamente na comarca.
En Ferrolterra levan anos esperando pola posta en marcha dun dique de construción para Navantia. Reclaman avances e que se cumpran os compromisos adquiridos.
O Senado, onde o PP ten a maioría absoluta, insta o Goberno a impulsar a construción dun dique cuberto en Navantia Ferrol, que facilite a implantación do chamado Estaleiro 4.0. Os socialistas aseguran que teñen un compromiso firme para dotar de carga de traballo a factoria.
