Conde, na súa visita a Colombia, trasládalle a Duque a posibilidade de cooperar en distintos sectores

Na súa última xornada en Colombia, o vicepresidente segundo da Xunta, Francisco Conde, mantivo un encontro co presidente daquel país, Iván Duque. Conde agradeceulle ao dirixente colombiano o interese por seguir estreitando lazos comerciais entre Galicia e Colombia.

Destacou a posibilidade de colaboración que se abre en sectores como o naval, o das enerxías renovables ou o aeronáutico. Nesta viaxe tamén estivo moi presente o Ano Xacobeo. Conde inaugurou en Bogotá o único fito conmemorativo da ruta Xacobea, situado a máis de 3.000 metros de altura.