Cargando resultados...
Sondaxe: O PP baixa, pero mantén a maioría absoluta; o BNG sobe e o PSdeG non varía
Sondaxe: O PP baixa, pero mantén a maioría absoluta; o BNG sobe e o PSdeG non varía
A sondaxe, realizada para o xornal El Español, non lle concede representación nin a Sumar, nin a Podemos, nin a Vox
G24.gal
01/01/2024 09:04
O xornal dixital El Español publica neste primeiro día do ano a primeira enquisa sobre as eleccións galegas.
A sondaxe, realizada pola empresa Sociométrica, dálle ao Partido Popular de Alfonso Rueda a maioría absoluta, con 39 escanos, tres menos que os que ten agora.
Eses tres escanos serían os que gañaría o Bloque Nacionalista Galego, liderado por Ana Pontón, que pasa dos 19 cos que conta agora a 22.
O PSdeG, con Xosé Ramón Gómez Besteiro, seguiría cos 14 que tiña nesta pasada lexislatura.
Segundo esta sondaxe, que non inclúe a Democracia Ourensana, non obterían representación nin Sumar, nin Podemos, nin Vox.
