Filipe VI pide que o espírito de Ermua non caia no esquecemento
Filipe VI pide que o espírito de Ermua non caia no esquecemento
Sánchez defende construír unha memoria colectiva que preserve os valores democráticos que representan as vítimas do terrorismo
Marimar Blanco pide que a memoria democrática recoñeza a verdadeira historia do terrorismo "con bos e malos"
INFOGRAFÍA: Así foron as últimas 100 horas de Miguel Ángel Blanco
A localidade biscaíña de Ermua lembra este domingo ao edil do PP Miguel Ángel Blanco na conmemoración do 25 aniversario do seu secuestro e asasinato por ETA, cunha homenaxe de Estado presidida polo rei Filipe VI, que pediu manter a memoria viva para xeracións vindeiras. "O espírito de Ermua é a vitoria da conciencia colectiva de todo o noso pobo", destacou o monarca.
Crónica do acto
No interior do polideportivo Miguel Ángel Blanco, con música de Bach para os centos de convidados a esta homenaxe ao edil e tamén a Sotero Mazo, outro veciño da Ermua asasinado pola banda terrorista.
No acto mostráronse imaxes do sucedido nesta vila biscaíña hai 25 anos co secuestro e asasinato de Miguel Ángel Blanco. Tamén se lembrou o balance terrorífico da ETA, 853 asasinatos, 2.600 feridos, 84 secuestrados e milleiros de ameazados e extorsionados.
O actual alcalde de Ermua quixo destacar a actuación do daquela alcalde e do resto da corporación coa entrega do primeiro monólito de recoñecemento ás vítimas, obra de Agustín Ibarrola.
A irmá de Miguel Ángel, que nun principio non estaba convidada, puido intervir. Marimar agradeceu o apoio e a solidariedade de todos os veciños da vila e pediu que non se esqueza ás vítimas nin se intente silencialas.
🔴 HOMENAXE MIGUEL ÁNGEL BLANCO
— G24 (@G24Noticias) July 10, 2022
"As vítimas nunca recuperaremos o que perdemos, as vidas que se arrebataron nunca volverán", di Blanco.
Sigue o acto aquí ➡ https://t.co/tY2QUGzHTY pic.twitter.com/Lvfe5fcnZH
As apelacións á convivencia e á memoria foron constantes desde o lehendakari Urkullu ata o presidente do goberno e tamén o Rei.
Urkullu falou de construír un futuro asentado na verdade, "unha verdade clarificadora, curadora, transformadora e reconciliadora".
🔴 HOMENAXE MIGUEL ÁNGEL BLANCO
— G24 (@G24Noticias) July 10, 2022
"Debemos construír un futuro asentado na verdade", asevera o lehendakari Íñigo Urkullu, "unha verdade clarificadora, curadora, transformadora e reconciliadora".
Sigue o acto aquí ➡ https://t.co/tY2QUGzHTY pic.twitter.com/gjkNCeef2J
Pola súa banda, o presidente do Goberno Pedro Sánchez quixo lembrar que, malia que a ETA non acadou os seus obxectivos, deixou numerosas vítimas tras de si.
🔴 HOMENAXE MIGUEL ÁNGEL BLANCO
— G24 (@G24Noticias) July 10, 2022
O presidente do Goberno ve no espírito de Ermua o "espírito da paz" e lembra que, aínda que ETA non acadou ningún dos seus obxectivos, si deixou vítimas tras de si.
Sigue o acto aquí ➡ https://t.co/tY2QUGzHTY pic.twitter.com/bCSECLoa7v
O rei Filipe VI, que presidiu a homenaxe, pediu manter a memoria viva para xeracións vindeiras. "O espírito de Ermua é a vitoria da conciencia colectiva de todo o noso pobo".
🔴HOMENAXE MIGUEL ÁNGEL BLANCO
— G24 (@G24Noticias) July 10, 2022
"O espírito de Ermua é a vitoria da conciencia colectiva de todo o noso pobo", destaca o monarca, que pide manter a memoria viva para xeracións vindeiras.
Sigue o acto aquí ➡ https://t.co/tY2QUGzHTY pic.twitter.com/gYpUn6VOTY
O acto finalizou cunha ofrenda floral diante do monólito ás vítimas do terrorismo e un emotivo minuto de silencio.
🔴 HOMENAXE MIGUEL ÁNGEL BLANCO
— G24 (@G24Noticias) July 10, 2022
O acto finaliza cun emotivo minuto de silencio, precedido da ofrenda floral en memoria das vítimas do terrorismo.
Máis información ➡ https://t.co/tY2QUGzHTY pic.twitter.com/xYMiyMNg1M
