España xogará o Mundial de Qatar

A selección española estará no Mundial de Qatar. Chegaba ás dúas últimas xornadas da fase de clasificación nunha situación límite e soubo resolvela con dous triunfos pola mínima. Suecia, logo da sorprendente derrota do pasado xoves, tiña que gañar en Sevilla e tomou riscos. O equipo de Luis Enrique non estivo brillante pero soubo sacar adiante o partido con sobriedade en defensa e aproveitou unha acción de Morata contra o final para selar o seu pase mundialista sen acudir a unha temible repesca.