España promove as súas empresas en Marrocos para optar á expansión da alta velocidade no país alauita

O ministro de Transportes trasladoulle a Marrocos o interese de España na expansión da alta velocidade no seu país.  

Óscar Puente iniciou esta tarde unha visita oficial de dous días a Rabat para coñecer os proxectos que se están desenvolvendo en infraestruturas no país alauita e a posible participación de empresas españolas.

Puente avanzou unha próxima reunión co seu homólogo marroquí para avanzar na construción dun túnel subterráneo entre España e Marrocos a través do estreito de Xibraltar.

"Temos que prestarlle moita atención a Marrocos. Do que faga Marrocos nos próximos anos depende o desenvolvemento de toda esta parte do globo, e creo que debemos concederlle a máxima importancia", afirma o ministro.