ERC di que será "razoable pero esixente" para negociar e apunta ao referendo
ERC di que será "razoable pero esixente" para negociar e apunta ao referendo
A formación republicana pídelle ao PSOE que se mova e "non teña medo" se quere a investidura de Sánchez
A amnistía tamén figura entre as prioridades de Esquerra Republicana de Cataluña
O equipo negociador do PSOE para a hipotética investidura de Pedro Sánchez aínda non entrou formalmente en escena, pero distintas fontes políticas falan de que se están contrastando as posicións con Junts e ERC por varias vías.
Félix Bolaños pedíalle antonte aos independentistas que non caian en maximalismos e hoxe Esquerra resumía así a súa postura.
"Esquerra Republicana é un actor responsable, razoable á vez que esixente, e tamén imos selo agora nesta negociación", asegura Marta Vilalta, secretaria xeral adxunta e voceira desta formación.
ERC sostén que non serán maximalistas, pero que tampouco aceptarán chantaxes:
"O que non poden facer o PSOE e Pedro Sánchez é afrontar esta negociación como unha chantaxe: ou me votas a min ou vai vir a extrema dereita e haberá un goberno PP-Vox", matiza a voceira dos republicanos cataláns.
Vilalta pídelle ao PSOE que sexa ambicioso negociando. Di que debe poñer as bases para que Cataluña poida decidir o seu futuro a través dun referendo e sostén que "si cabe na Constitución española".
As outras vías negociadores que apunta son a amnistía política, o traspaso da xestión de Cercanías e o déficit fiscal.
