Excelentes perspectivas para España, por Venancio Salcines

España, a xuízo do FMI, verase pouco afectada polo arrefriamento xeral provocado pola guerra arancelaria. É máis, mantén unhas perspectivas de crecemento para 2025 que a sitúan nunha posición de privilexio. O cal contrasta cos negativos escenarios con que ten que enfrontarse Francia, que baixa a unha perspectiva do 0,6 % á do 0 % para Alemaña. E tendo en conta que Italia apenas crecerá un 0,4 %, encontrarémonos coas principais economías de Europa perdendo a súa tradicional capacidade tractora.

Que alimenta a economía española? Un potente crecemento demográfico impulsado polo pleno emprego, que actúa como un potente efecto chamada. E por outra parte, a escasa dependencia que ten do mercado norteamericano. Que antes actuaba como un handicap pero agora é un diferencial positivo.

Dito isto, é difícil pensar que o arrefriamento europeo non termine afectando a España, polo tanto penso que estas perspectivas, de manterse a guerra arancelaria, pequen de optimistas.