As réplicas dos "aneis milagrosos" dos bispos medievais expóñense en Santo Estevo

A fascinante historia dos 9 aneis "máxicos" dos bispos medievais de Santo Estevo volve á actualidade porque un xoieiro de Ourense acaba de sacar unha copia exacta de 4 deles, os localizados en 2020 nos relicarios laterais da igrexa. As réplicas están expostas na sancristía de Santo Estevo.

No Diario cultural da Radio Galega falamos co xoieiro e con Vania López, a restauradora que atopou os aneis orixinais, agochados durante séculos. Igualmente conversamos coa escritora María Oruña, que escribiu o libro O bosque dos catro ventos.