Falece Magar, fotógrafo que deixa un dos maiores fondos de imaxes de Vigo
Falece Magar, fotógrafo que deixa un dos maiores fondos de imaxes de Vigo
Manuel García Castro, 'Magar', estivo ligado ao xornal Faro de Vigo desde os anos 60 ata a súa xubilación, no ano 2000
O fotógrafo Magar, nunha entrevista en Televisión de Galicia en 2004.
O fotógrafo Manuel García Castro, 'Magar', faleceu en Vigo aos 88 anos e deixa un dos maiores fondos de imaxes da cidade e de Galicia.
Nacido en Ciudad Rodrigo (Salamanca) en novembro de 1935, chegou con cinco anos a Vigo e retratou a cidade e a comunidade autónoma desde principios dos sesenta ata que se retirou no ano 2000, ligado profesionalmente a Faro de Vigo.
Adiós a Magar, la memoria gráfica de Galicia
— Faro de Vigo (@Farodevigo) August 2, 2024
📌 El histórico fotógrafo de FARO retrató como nadie el crecimiento de Vigo durante la segunda mitad del siglo XX
✍️ @Garcio72
🔗 https://t.co/uZpjJI92D0https://t.co/uZpjJI92D0
Tamén publicou libros con parte do seu traballo, como a triloxía editada por Xerais: Vigo por Magar. 40 anos en branco e negro; Vigo por Magar II. Instantáneas e retratos da vida viguesa (1960-2004) e Vigo por Magar III. Novas instantáneas e retratos da vida viguesa (1960-2007).
Foto da ponte de Rande feita por Magar (Arquivo TVG).
En 1996 foi recoñecido como Vigués Distinguido, tamén recibiu a insignia de ouro do Celta e en abril de 2002 a súa familia impulsou a Fundación Magar, co obxectivo primordial contribuír á investigación para a consecución dun tratamento para a acondroplasia.
Esa entidade conta co principal arquivo gráfico local do último medio século e promove a investigación para chegar á erradicación do comunmente chamado ananismo, un problema que afecta máis de sete millóns de persoas en todo o mundo, tal e como explica na súa páxina web.
Foto de Magar da praia de Samil (Arquivo TVG).
