Falece o empresario vigués José Pereira, fundador do Grupo Pereira
Falece o empresario vigués José Pereira, fundador do Grupo Pereira
“Unha persoa excepcional e un empresario singular”, dixo del este luns o alcalde Abel Caballero
José Pereira Álvarez, fundador do Grupo Pereira, unha das empresas pesqueiras máis importantes de España, faleceu este luns en Vigo aos 97 anos de idade.
“Hoxe Vigo perde a unha persoa excepcional pero continuará no noso recordo e na saga xeracional que leva adiante o Grupo Pereira”, dixo o alcalde de Vigo Abel Caballero tras coñecer a noticia.
José Pereira Álvarez fundou en 1955 unha armadora que actualmente opera nas augas de todo o mundo e dá traballo a un milleiro de empregados.
Un dos seus barcos, o conxelador de altura ‘Estai’ foi apresado en augas canadenses en 1995 no que foi o principio da coñecida como guerra do fletán.
Este emprendedor, natural de Gondomar (Pontevedra), comezou no negocio da pesca con embarcacións artesanais que pescaban no Atlántico Norte, e abandona este mundo cunha vintena de pesqueiros en activo.
“Unha persoa excepcional e un empresario singular”, dixo del este luns Caballero.
En 2018, Pereira recibiu o premio Familia Empresaria do Ano, momento en que dixo que a pesca foi para el “unha profesión e tamén unha vocación”
